«Қазақстанның инновациялық дамуына жастар шығармашылығы» студенттер мен магистранттардың ХV Халықаралық ғылыми-техникалық конференциясы шеңберінде, 2015 жылдың сәуірінде Д.Серікбаев атындағы ШҚМТУ-да ТЕМПУС - «Студик: Студенттік өзін-өзі басқару және Қазақстандағы демократиялық қатысу» жобасының аймақтық конференциясы болып өтті.

Аймақтық конференцияны ШҚМТУ-да «Студик» жобасының жұмыс тобы мүшелері, сондай-ақ студенттік өзін-өзі басқару белсенділері ұйымдастырды. Конференция жұмысына аймақтық ЖОО (С.Аманжолов ат.ШҚМУ, ҚАЕУ, МЭСИ, ҚазГЗИУ), жастар ұйымдары, Өскемен қаласы әкімдігінің жастар орталығы, ШҚО Ішкі саясат басқармасының өкілдері қатысты.

Конференция қатысушыларын құттықтау сөзі ШҚМТУ-дағы «Студик» жобасының координаторы Бақыт Злобинге берілді, ол Қазақстан Республикасы ЖОО-дағы студенттік өзін-өзі басқару қызметінің дамуы мен жетілдіруінің маңыздылығын атап өтті.

ШҚМТУ-дағы «Студик» жобасын жүзеге асыру туралы мақаламен студенттік офис жетекшісі, Жастар ісі комитетінің төрағасы Самат Байгереев сөз сөйледі. Оның мақаласында «Студик» жобасының негізгі мақсаттары мен мәселелері, оны жүзеге асыру кезеңдері атап көрсетілген және жоба шеңберіндегі атқарылған жұмыстар туралы есеп берілді.

ШҚМТУ студенттері Еуропадағы шетел семинарлары туралы өз әсерлерімен бөлісті, және Еуропалық одақ елдеріндегі студенттік өзін-өзі басқарудың жағдайы мен рөлі туралы әңгіме айтты.

Өскемен қаласы әкімдігі жастар орталығының маманы Әсел Қайдарова мұндай конференцияларды өткізудің маңыздылығын атап өтті, яғни, әртүрлі білім беру мекемелерінің студенттері бірлесу керек, себебі студентке ең қажеттіні күш бірлестірумен ғана шешуге болады.

Сондай-ақ қаланың студент белсенділері ЖОО-дағы студенттік өзін-өзі басқару органдары қызметінің нормативтік-құқықтық базасын жетілдіру мәселелерін, қоғамдық жұмысқа студенттердің қатысуын ынталандыру факторларын, студенттік өзін-өзі басқару органының студенттердің қоғамдық санасына әсерін және студенттік өзін-өзі басқару мен ЖОО әкімшілігінің ынтымақтастығын талқылады.

Жалпы, аймақтық конференция қорытындысы бойынша Қазақстанның шығыс аймағындағы студенттік өзін-өзі басқаруды дамытуға бағытталған бірлескен шаралар өткізу туралы шешім қабылданды.

Бакыт Злобин, «СТУДИК» жобасының координаторы